საგანმანათლებლო პოლიტიკისა და პრაქტიკის სისტემური მხარდაჭერის მიზნით ცენტრი ახორციელებს შემდეგ საქმიანობას:

• სამეცნიერო კვლევების, ფართომასშტაბიანი ეროვნული და საერთაშორისო შეფასებების წარმართვა განათლების სისტემის ყველა საფეხურზე, დაწყებული სკოლამდელი განათლებით, დამთავრებული უმაღლესი განათლებითა და სამუშაო ძალის მზაობით

• განათლების სხვადასხვა საფეხურისთვის საკვანძო საკითხების უწყვეტი კვლევა, მეცნიერული ცოდნის გაღრმავება, გაფართოება და გამოყენება პრაქტიკაში – საგანმანათლებლო ინსტიტუციებისათვის სისტემურად ორგანიზებული ცოდნის შეთავაზება არსებულ გამოწვევებზე ეფექტური რეაგირებისა და განათლების სისტემის მოდერნიზაციის მხარდასაჭერად

• ეროვნული კონფერენციების მოწყობა, ფორუმების და სემინარების ჩატარება კვლევის შედეგებისა და განათლების ხარისხის გაუმჯობესების გზების განსახილველად

• საერთაშორისო კვლევით ორგანიზაციებთან მჭიდრო თანამშრომლობა; გამოცდილების გაზიარებისა და ინტერნაციონალიზაციის მხარდასაჭერად საერთაშორისო კონფერენციების ჩატარება

• ორენოვანი ელექტრონული სამეცნიერო ჟურნალის გამოცემა

• სტაჟირების, ცოდნის გაზიარებისა და პროფესიული განვითარების ბაზის შექმნა უნივერსიტეტებისთვის, რომლებიც ამზადებენ განათლების მკვლევრებს; ელექტრონული რესურსების შექმნა საგანმანათლებლო კვლევისა და შეფასების სფეროში